Видео: 20 години подоцна – Објаснување за чудесниот „БАНАНА ГОЛ“ на Роберто Карлос!

На 3 јуни 1997 година на „Жерлан“ во Лион се играше натпреварот помеѓу Франција и Бразил која од натпреварот кој требаше да биде само загревање за Светското првенство стана историска.

„Виновникот“ беше тогаш 24 годишниот Роберто Карлос кој постигна чудесен гол кој ќе остане запаметен како еден од најдобрите во историјата.

Иако одалеченоста беше повеќе од 35 метри, пред себе Карлос имаше жив ѕид од четири фудбалери, на голот стоеше Фабијан Бартез, еден од најдобрите светски голмани, а Бразилецот успеа да погоди.

Тоа беше шут и погодокот каков што никогаш порано не сме виделе. Прецизен како „ласерски испукана ракета“. Го доби прекарот „невозможен гол“. Поради изведбата, реализацијата, неодбранливоста, но и необјаснивоста како тоа воопшто е можно.

Карлос „испали“ проектил од левата нога кој идеше далеку од голот, но одеднаш топката се врати и заврши во мрежата на немоќниот Бартез.

Расправата за овој погодок трае и 20 години, а сега со свое мислење се огласи и самиот Карлос.

„Л’Екип“ направи голем специјал со најдобрите изведувачи на слободни удар. Тајните на головите кои ги постигнуваа, Платини, Пирло, Михајловиќ, Жунињо и секако Роберто Карлос.

„Топката одеше далеку од голот, но ветерот ја врати во голот. Тоа е објаснување на чудесниот гол“, објасни Карлос.

Los mejores lanzadores de faltas directas de la historia. Espectacular especial multimedia de @lequipeEXPLORE https://t.co/tCaVrnHYbd pic.twitter.com/VMrqD9aZv2

— José Luis Rojas (@rojastorrijos) November 28, 2017

Big @lequipeEXPLORE piece on free-kick takers today in which Roberto Carlos – somewhat surprisingly – admits his 1997 goal against France was wind-assisted. "The ball was going completely wide but the wind brought it back to the goal. It was a miracle."

— Tom Williams (@tomwfootball) November 28, 2017