Видео: „Енфилд“ повторно го слави „Фараонот“, Челзи со „петарда“ го испрати Стоук!

Денес со почеток во 16:00 часот во Премиер лигата се одиграа шест натпревари.

Ливерпул на крилијата на фантастичниот Мохамед Салах успеа да стигне до победа од 1:2 во натпреварот против Лестер. Натпреварот за „црвените“ не започна баш најдобро.

Повторно на сцена стапи лошата одбрана на Ливерпул, а тоа знаеа да го искористат Марез и Варди, Алжирецот беше асистент, а Варди егзекутор за предност на „лисиците“ веќе во третата минута. Тоа беше и единствениот погодок во првото полувреме.

Вториот дел Ливерпул го стартуваше многу подобро, а после само седум минути игра, Садио Мане испрати одлична асистенција со пета до Салах кој ја „измеша“ одбраната на гостите и погоди за изедначување. Се играше 76 минута кога Мохамед Салах повторно донесе радост на „Енфилд“ со нов погодок со кој ги постави конечните 2:1.

Тимот на Челзи одигра одличен натпревар против Стоук и славеше со 5:0. Избраниците на Антонио Конте после само нешто повеќе од 20 минути игра имаа предност од 3:0. Стрелаа Рудигер, Дринквотер и Педро. Во вториот дел Вилијан од пенал и Запакоста во финишот ја потврдија убедлива победата.

Во останатите натпревари, Бурнемоут го совлада Евертон со 2:1, Свонси со 1:2 славеше на гостувањето против Вотфорд, додека натпреварите помеѓу Њукасл и Брајтон и Хадерсфил и Барнли завршија без погодоци.