Видео: Брајтон одигра одлично, но доби „покер“, Вилијан егзекутор на една од најубавите акции во сезоната

Екипите на Брајтон и Челзи денес во терминот од 13:30 часот го одиграа својот натпревар во рамките од 24 коло во Премиер лигата.

Челзи одигра одличен натпревар и запиша победа од 0:4, иако и Брајтон имаше свои моменти и пропушти неколку добри прилики за да го промени текот на натпреварот.

„Сините“ рано уште во третата минута од натпреварот преку Еден Азар успеаа да стигнат до предност, а само три минути подоцна веќе беше 0:2. Вториот гол на Челзи беше постигнат после навистина фантастична акција во која егзекутор беше Вилијан.

За нови погодоци го чекавме вториот дел, Брајтон преку Скелото пропушти неколку одлични прилики при резултат 0:2 да го намали резултатот, казната за домаќинот стигна во 77 кога Азар го постигна својот втор погодок на натпреварот.

Конечните 0:4 ги постави Виктор Мозес во финишот од натпреварот.