Вејн Руни прави неочекуван потег и се враќа во Англија?

Легендарниот играч на Манчестер Јунајтед, Вејн Руни, би можел да се врати во Англија.

Руни во 2004. година од Евертон пристигна на Олд Трафорд за 37 милиони евра и помина 13 години во Јунајтед за кој одигра 559 натпревари и постигна 253 погодоци.

После тоа 33-годишниот напаѓач во 2017. година како слободен играч се врати во Евертон каде помина една година, а потоа замина во САД и потпиша за ДЦ Јунајтед.

Претходната сезона во МЛС лигата за овој клуб одигра 23 натпревари и постигна 13 погодоци, а сега според пишувањата на англиските медиуми би можел да се врати во агнлискиот фудбал и тоа како играч-тренер во Дерби.

Наводно, поранешниот играч на Јунајтед е веќе во преговори со клубот од Чемпионшип и би можел да го наследи Френк Лампард кој минатата сезона го однесе Дерби во доигрувањата за ПЛ.

Филип Коку дојде на местото на Лампард и потпиша договор на четири години, а сега сопственикот на клубот Мел Морис сака да донесе уште едно големо име и да му понуди улога играч-тренер.