Вејн Руни и Патрик Виера нови членови во „Куќата на славите“ во Премиер лигата

Двајца легендарни фудбалери на Премиер лигата, Вејн Руни и Патрик Виера се нови членови на „Куќата на славните“ на една од најсилните лиги во светот.

Руни и Виера така се придружуваат на Ерик Кантона, Стивен Џерард, Рој Кин и Денис Бергкамп во друштво на великаните на англискиот фудбал.

Вејн Руни Премиер лигата ја освојуваше дури пет пати, тој е втор стрелец во историјата на натпреварувањата со 208 голови зад Алан Ширер. Во сезоната 2009/2010 беше прогласен за најдобар во лигата.

Патрик Виера беше дел од славната генерација „непобедливи“ на Арсенал која ја освои титулата без пораз во сезоната 2003/2004, беше најдобар играч во првенството во сезоната 2000/2001.