Вест која ги израдува Аргентинците – Меси тренираше со репрезентацијата!

Првата ѕвезда на Аргентина, Лионел Меси тренираше со тимот пред пријателскиот натпревар против Шпанија во Мадрид.

Меси го пропушти пријателскиот натпревар против Италија (2:0) во петокот во Манчестер, како и вчерашниот тренинг, но денес беше со екипата во тренинг центарот на Реал Мадрид.

Натпреварот помеѓу Аргентина и Шпанија се игра во вторник во Мадрид на стадионот на Атлетико.

Оваа средба ќе ја пропушти Анхел Ди Марија, кој се пожали на проблеми со бутниот мускул, а познато е дека нема настапи ниту Серхио Агуеро кој се опоравува од повредата на левото колено.