Вардар ќе и оддаде почит на Јулија Николиќ

Утре тимот на Вардар ќе игра натпревар против Монпелје во Лигата на шампионите, а пред почетокот на мечот почит ќе се оддаде на поранешната македонска репрезентативка Јулија Николиќ.

Николиќ почина вчера околу 22 часот и тоа ненадејно без претходни здравствени проблеми.

Кариерата ја заврши во редовите на Вардар, а црвено-црните ќе и оддадат почит пред утрешниот натпревар.

„Секој што го носел дресот на Вардар е дел од нашето големо „цревно-црно“ семејство. И кога губиш дел од семејството, губиш дел од себе, и тагуваш.Но, засекогаш останува во нашите сеќавања и срца. Утре пред почетокот на средбата од ЕХФ лигата на шампионите ќе и оддадеме почит на нашата Јулија Николиќ (Портјанко). Почивај во мир!“, соопштија од Вардар.