Валверде: Треба да внимаваме со Меси!

Тренерот на Барселона, Ернесто Валверде не откри дали Лионел Меси ќе биде спремен за настап на утрешниот меч против Севиља.

Меси ги пропушти двата натпревари на аргентинската репрезентација против Италија и Шпанија.

„Меси има мали болки и треба да внимаваме. Таквата болка може да се претвори во кинење на мускулот и тогаш работите ќе се искомплицираат“, изјави Валверде, а потоа одговори како се чувствува Меси после поразот од 6:1.

„Добар е, спокоен. Вчера разговаравме, сите сакаат да победуваат, но од психичка гледна точка Лео е во перфектна состојба“.

Иако Валверде не сакаше да открие дали Меси ќе настапи против Севиља, сепак медиумите тврдат дека Аргентинецот мечот ќе го почне од клупата.