Буфон откри кои се неговите најтешки пет ривали, Меси не е помеѓу нив!

Џанулуиџи Буфон е во центарот на вниманието на англиските медиуми, јасно е и поради што, претстојниот натпревар помеѓу Јувентус и Тотенхем во Лигата на шампионите.

Буфон беше запрашан кои пет ривали му биле најтешки во кариерата.

„Постојат некои работи со кои едноставно се раѓаш. Во мојата кариера видов петмина такви, тие навистина имаат чудесен инстикт. Тоа се двајцата Роналдо, Батистута, Инзаги и Хари Кејн“, изјави Буфон и продолжи.

„Секако дека не се плашам од никого, ме тестираа најдобрите и секогаш сакам да играм против такви“, заврши Буфон.

Многумина ги изненади тоа што помеѓу најтешките ривали Буфон не го спомена Лионел Меси, но Аргентинецот дури оваа сезона го постигна првиот гол против Буфон.