Братот на Погба ја откри својата верзија

Главна тема деновиве е семејната драма на ѕвездата на Јувентус, Пол Погба.

Тој го обвини својот постар брат Матијас дека е дел од криминална банда која го уценувала за 13 милиони евра.

Веднаш имаше реакција од Матијас, кој сака да се слушне неговата верзија за скандалот, па објави видео на социјалните мрежи.

„Здраво на сите, каков бурен почеток на неделата!? Забележувам дека многу луѓе и медиуми веќе одлучија дека зборовите на Пол се крајна вистина без воопшто да проверат дали е така, само затоа што е ѕвезда од светска класа и секој што ја нема истата кариера треба да замолчи. Не можам да направам ништо за човечкото слепило. Затоа, се обраќам кон оние кои навистина сакаат да ме разберат.

Би сакал веднаш да истакнам дека сите зборови на Пол се наменети само да фрлат нечистотија врз моето име. Се борам за мојот живот и за името на моето семејство и за да се ослободам од стисокот на брат ми. Одамна ја изгуби претставата за реалноста поради парите и славата.

Единствен начин да преживеам е да ги разоткријам неговите лаги и измами. Луѓето ме нарекуваат предавник без да знаат ништо. Што ако големиот брат беше принуден да зборува јавно за да не го загуби животот или слободата поради малиот брат, кој сака да биде мртов или во затвор? Нели тогаш братчето е предавник?

Кажав за неговите црни магии затоа што не е важно дали функционира или не, дали верувате во тоа или не. Важно е дека е зло. Овие практики бараат од вас да правите лоши работи и да нанесувате штета на друг. Прашањето е дали Пол не потврди, дека користел помош од шамани? На истражителите им признал: „Погба и рекол на полицијата дека веќе платил шаман од неговата придружба да се заштити од повреди“ А за да се заштитите од повреди, треба ли на овој волшебник да му плаќате милиони евра со години? Особено што нема ефект. И истражителите и даночните власти лесно можат да го проверат ова во централната банка во Лондон.

Во обид да го дискредитира секој што ги знае неговите мали тајни, Пол тврди дека парите што им ги понудил на пријателите биле уцена. Но, што ако се појават документи кои докажуваат дека се работи за доброволен трансфер на пари? Не е исто што и изнуда, нели?

Ви благодарам што ме поддржавте во ова искушение. Бидете трпеливи, доаѓа разоткривањето на лагите!“, напиша Матијас Погба.