Бразилецот Вилијан одлучи каде ќе ја продолжи својата кариера

29-годишниот Вилијан во Челзи пристигна 2013. година и од тогаш стана еден од клучните играчи на „Стемфорд Бриџ“.

Играше одлично, но некогаш имаше и падови, а особено оваа сезона, бидејќи Конте не го користеше во најважните натпревари што на играчи од неговиот калибар никако не може да им одговара. Челзи оваа сезона сосема сигурно нема да избори Лига на Шампионите, а поради тоа многумина мислеа дека Вилијан со уште некои соиграчи ќе го напушти Челзи.

Но, сето тоа денеска го демантираа вестите во медиумите од Англија. Многубројни медиуми пишуваат дека Вилијан официјално одлучил да остане на „Стемфорд Бриџ“ и дека нема да му смета тоа што нема да игра во Лигата на Шампионите. Вилијан со Челзи има договор до 2020. година, а доколку остане најверојатно ќе го продолжи, бидејќи ако не дојде до тоа Челзи би го загубил без надомест, а сигурно дека тоа не го сака, бидејќи пазарната вредност на Вилијан изнесува 32 милиони евра.

Оваа сезона одигра 48 натпревари, а постигна 13 гола и запиша 11 асистенции.