Минатиот викенд црно-белите од Торино го славеа Скудетото, а додека на стадионот од Јувентус владееше журка и прослава, едно дете во црно-бел дрес беше тажно.
Лоренцо Бонучи, со солзи во очите, излезе на шампионската прослава облечен во дресот од Миралем Пјаниќ. Иако неговиот татко е еден од најзаслужните за титулата на Јувентус и една од најголемите ѕвезди на „Старата дама“, четиригодишниот Лоренцо не се радува на успесите на Јуве како навивач.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Малиот навива за градскиот ривал Торини и нема сила која би го преориентирала во фудбалската љубов кон клубот од татко му – лутиот ривал Јувентус. Како вистински ас и спортист, Леонардо Бонучи ја има прифатено навивачката пасија на неговиот син за Торино, па без проблем го води на натпреварите од овој клуб.
А сега се искупи и за тоа што го наговори синчето да го облече дресот од Јувентус на шампионската прослава. Лео го запозна својот син со неговиот идол – Андреа Белоти. Голгетерот од Торино е омилен играч на Лоренцо, па на неговата среќа немаше крај кога тато го запозна со својот репрезентативен колега.
„Вечерва е целосно поинаку, а не како на прославата за Скудетото“, напиша Леонардо на Инстаграм под фотографијата на која се Белоти и малиот Лоренцо.
Учество во игри на среќа е дозволено за лица со 18+ години. Играј одговорно!