Борко е лидерот на Вардар против Порто: И брани и – погодува! ?

Вечерва Вардар игра против Порто во Лигата на шамионите и после првиот половина час гледаме голема борба на теренот.

Од самиот почеток и Митревски кај Порто и Борко кај Вардар беа одлични на голот. Митревски започна со одбранет зицер на Чупиќ, а во продолжение имаше уште неколку одлични интервенции.

 По почетното играње гол за гол со одбрани на двете страни Порто првпат се одлепи кон средината на полувремето кога направи предност од 4:8. Меѓутоа Вардар не се предаде следуваа одбрани на Борко, дури и еден негов гол, па на десетина минути пред крајот црвено-црните дојдоа на -1 (8:9).

Тука одново следуваше нешто полоша игра на македонскиот тим, па Порто пак отиде на +3 (8:11).

За ново враќање на Вардар одново на сцена стапи Борко. Повторно одбрани неколку удари, а постигна и втор гол, па Вардар изедначи на 11:11.

До крајот во финишот Борко постигна и трет гол, а Вардар имаше 13:12.

После првиот дел најефикасни во Вардар се Борко Ристовски и Марко Вујин со по три гола, додека по два имаат Чупиќ, Дибиров и Јотиќ, а еден постигна Талески. Во Порто три гола имаше Магаљаеш.