„Билд“ тврди: Баерн постигна договор, пристигнува замена за Левандовски

Реномираниот „Билд“ тврди дека Баерн Минхен договорил напаѓач од Бундеслигата.

Станува збор за 30 годишниот Сандро Вагнер од Хофенхајм. Хофенхајм бараше 20 милиони евра, Баерн нудеше 10, а според последните информации договор бил постигнат за 15 милиони евра.

Вагнер кариерата ја започна токму во гигантот од Минхен. Го помина младинскиот погон на Баерн, но во првиот тим помина само една сезона (2007/2008) во кој собра само четири настапи.

Потоа тој настапуваше за Дуисбург, Вердер, Каизерслаутен, Херта, Дармштад, а од 2016 година е во Хофенхајм, клуб преку кој стигна и до германската репрезентација.

Оваа сезона постигна шест погодоци и запиша четири асистенции.