Беше еден од најплатените фудбалери во светот, а сега заврши на психијатрија

Поранешниот аргентински репрезентативец, Езекиел Лавеци (38) ги поминува веројатно најтешките моменти од неговиот живот.

За состојбата на Лавеци објави еден од најпознатите новинари во светот, Фабрицио Романо.

„Поминува низ тежок период и примен е на психијатрија во установа за ментално здравје, вторпат во три недели“, пишува Романо.

Лошата ситуација во која се наоѓа ја потврди и самиот Лавеци во изјава за „Л’Eкип“.

„Тешко е, но морам тоа да го направам, морам да го средам својот живот и навиките. Едноставно морам поради мојот син“, изјави Лавеци.

Во последниот месец Лавеци помина низ турбулентен период, а кон средината на декември заврши и во болница поради убодна рана. Уругувајските медиуми пренесуваа дека Лавеци бил избоден од неговиот брат. Три недели потоа тој се предозира и заврши на интезивна нега, сега е на психијатрија.

Лавеци своевремено беше еден од најплатените фудбалери во светот. Во кинескиот Хебеи заработуваше над 20 милиони евра годишно. Низ кариерата играше уште за Естудијантес, Сан Лоренцо, Наполи и Пари Сен Жермен. Во дресот на аргентинската репрезентација собра 51 настап.

Беше дел Лавеци и од репрезентацијата на Аргентина која на Мундијалот во 2014 година освои сребрен медал.