Бензема влегува „војна“ со ФИФА поради Меси

Еден од најдобрите напаѓачи на денешницата, Карим Бензема, уште еднаш го изрази своето незадоволство од прогласувањето на најдобриот играч на светот за 2022 година oд страна на ФИФА. Напаѓачот на Реал Мадрид смета дека наградата требало да му припадне нему, а не на Меси.

Бензема, кој има фантастична сезона во дресот на „кралскиот клуб“, е добитник на Златната топка за 2022 година, а заедно со Меси и Мбапе беше еден од главните кандидати за престижната награда „The Bes“t, која ја доделува ФИФА врз основа на гласовите на селекторите и капитените на националните тимови.

На свеченоста одржана во Париз немаше претставници на Реал, а причината беше токму одлуката наградата да му се додели на Меси. Разочараниот Бензема прво објави стори на својот Инстаграм каде непознато лице во видеото вели: Лажговци, да, лажговци.

Еден ден подоцна, Бензема уште еднаш го изрази своето незадоволство објавувајќи серија фотографии. Прво, тој објави заедничка слика со Винисиус Јуниор со натпис „Ѕверови“, јасно алудирајќи на одлуката на ФИФА минатата година да го остави бразилскиот напаѓач надвор од топ 11. Тој потоа сподели објава на една страница во која ги истакнува сите негови достигнувања во изминатата година.

Benzema posts stats on IG questioning FIFA Best decisions

Karim Benzema appears to post stats aimed at the FIFA Best decision after Lionel Messi claimed the award.

On his Instagram story, Benzema posted his stats and awards in both club and national levels of the past year. pic.twitter.com/TWkO2Xydcz

— Genius (@bonifacejoseph_) March 1, 2023