Батчуаи е хит – се пошегува на своја сметка!

Белгискиот напаѓач Мичи Батчуаи покажа чувство за хумор и се пошегува на своја сметка, откако неговата прослава на голот против Англија стана хит.

После голот на Јанузај, напаѓачот на Челзи ја фати топката и повторно ја шутна одблизу во мрежата. За жал, тој ја погоди гредата, а топката се врати и го погоди во лицето.

Ситуацијата беше многу комична па веднаш стана вирална на социјалните мрежи, а Белгиецот и сам се пошегува на своја сметка.

„Вообичаените начини за прославување веќе се доста застарени. Требаше да измислам нешто ново“, напиша на Твитер Батчуаи.