Барселона фаворит за потписот на Кеси

Барселона е во напредни преговори со играчот за врска на Милан, Франк Кеси, пренесува „Мундо Депортиво“.

Преговорите помеѓу Милан и Франк Кеси за продолжување на соработката се во застој, па готово сигурно на лето ќе замине како слободен агент.

Барселона сака да ја искористи таквата ситуација и веќе спремила понуда за Кеси и е во напредни преговори со неговиот агент.

Каталонците му нудат на Африканецот годишна плата од 10 милиони евра плус бонус и во моментов се фаворити за неговиот потпис.