Барселона против Реал Сосиедад одигра натпревар каков што нема одиграно 10 години

Фудбалерите на Барселона вчера го претрпеа вториот пораз во шпанското првенство откако Реал Сосиедад ги совлада со 1:0 во натпреварот од 13.коло.

Тоа беше прва победа на баскискиот клуб против Барселона на домашен терен од април 2016 година, кога исто така беше 1:0.

Она што се издвојува во статистиката е слабоста на Барселона во нападот. Водечкиот тим на Ла Лига на претходните 12 натпревари постигна дури 40 гола, но на вчерашното гостување не изгледаше толку расположено.

Барса ја погоди противничката мрежа преку Роберт Левандовски во 13. минута, но голот на полскиот напаѓач го поништи судијата по ВАР асистенција.

Севкупно Барселона упати 11 удари кон голот на домаќините, но ниту еден во рамките на голот. Опта истакнува дека тоа и се случило само еднаш во последните 10 години. Тоа беше во септември 2014 година на тест против Малага. Луис Енрике го предводеше тимот на Барселона, кој на тој меч немаше ниту еден удар кон противничкиот гол.