Барселона на Мурињо му нуди двајца играчи за Ндомбеле?

Tангу Ндомбеле од Тотенхем е желба на Барселона.

Како што објави „Скај Спорт“ каталонскиот гигант е спремен да го доведе Ндомбеле во своите редови и на Тотенхем му понудиле двајца фудбалери.

За услугите на Ндомбеле Барселона на Тотенхем ги понудила Самуел Умтити и Нелсон Семедо. Според очекувањата на „Скај“ оваа размена би можела да се случи.

Мурињо е спремен да го пушти Ндомбеле иако стигна во клубот минатото лето и понудата од Барселона би можела да го заинтересира.

На Барселона пак поради финансиската криза од Ковид-19 секако дека повеќе и одговара да понуди размена отколку да испрати парична понуда. Ндомбеле минатата година пристигна во Тотенхем од Лион во трансфер вреден 60 милиони евра. Одигра 27 натпревари и оствари учинок од два гола и четири асистенции.

Од друга страна Семедо сезонава беше стандарден на десната бековска позиција во каталонскиот клуб, додека Умтити од поодамна не е во прв план и се шпекулира за негово заминување.