Шпанските медиуми пренесуваат дека неодамнешниот настап во „Ел Класико“ бил пресуден за управата на Барселона да одлучи во јануарскиот преоден рок да побара замена за Серхио Бускетс.
Челниците на каталонскиот клуб активно бараат негова замена, па со Каталонците се поврзуваат голем број играчи од средниот ред, како Рубен Невес, Жоргињо, Н’голо Канте и Јури Тиелеманс.
Дејан Димовски: Скопје троши 700 литри вода дневно по жител | Уште еден поткаст ↓↓↓
Сепак, наследник на Бускетс би можел да биде фудбалер кој не игра во „топ пет“ лигите, а медиумите пренесуваат дека се работи за дваесет и четиригодишниот играч на ПСВ Ибрахим Сангаре.
Талентираниот фудбалер на Брегот на Слоновата Коска пристигна во холандската лига во 2020 година и импресионираше многумина со своите настапи минатата сезона за тимот предводен од Роџер Шмит. Летово клубот од Ајндховен го презеде Руд Ван Нистелрој, а Сангаре го продолжи договорот до 2027 година.
Со оглед на тоа дека и тој беше поврзуван со преселба во Премиер лигата и се споменуваа понуди од околу 46 милиони евра, останува да се види колку пари Барса е подготвена да плати за да го доведе.
Учество во игри на среќа е дозволено за лица со 18+ години. Играј одговорно!