Барса со нова понуда за трампа, овој пат со Арсенал

Екипата на Барселона испрати понуда до Арсенал и повторно во прашање е размена на играчи.

Откако Артур Мело го испратија во Јувентус во замена за Миралем Пјаниќ, Каталонците ќе се обидат да направат уште неколку договори, а сега го контактирале Арсенал.

Наводно, Барса на Топџиите им го понудиле Фелипе Кутињо, а во спротивен правец го бараат 21-годишниот Матео Гендузи.

Кутињо од поодмана се поврзува со Арсенал. Каталонците сега ќе се обидат да го искористат за донесување на Гендузи, а во исто време ќе се ослободат и од Бразилецот.

Кога станува збор за Гендузи, и тој не е во плановите на Микел Артета, па ова можеби е вистинска шанса да ја промени средината.

Останува да видиме дали на крајот ќе дојде до договор помеѓу двете страни.