Барса добива забрана за трансфери на лето

Барселона нема да смее да купува нови играчи ова лето, изјави претседателот на Ла Лига, Хавиер Тебас, во интервју за шпанското радио „Естадио“.

Каталонскиот гигант пред две години беше пред финансиски банкрот, но со ново задолжување и договор со раководството на Ла Лига сепак успеа да опстане, но под посебни услови.

Барселона мора да работи на таков начин што ќе гарантира финансиска стабилност, сето тоа во договор со раководството на лигата. Минатото лето донесе бројни засилувања во клубот, а Тебас реши да не дозволи трансфери во следните два преодни рока.

„Барселона во јануари не смееше да донесе никого, а и на лето ќе добие забрана за влезни трансфери“, изјави Тебас.