Барса го сака соиграчот на Адеми и Ристовски?

Хрватската репрезентација игра уште еден феноменален Мундијал.

На последниот во Русија во 2018 година стигнаа до финалето каде загубија од Французите, денеска играат полуфинале со Аргентина на Меси.

Хрватските играчи по овој нов успех се и тоа како цените Ливаковиќ се поврзува со Баерн Минхен, додека најбогатите клубови во Европа го „бркаат“ Јошко Гвардиол.

И Барса го следи играчот на Лајпциг, но шпанските медиуми пишуваат дека Каталонците би можеле да се договорат и со Динамо Загреб. Имено, Барселона го сака 19-годишниот соиграч на Стефан Ристовски и Аријан Адеми, Мартин Батурина.

Офанзивниот играч за врска лани влезе во првиот тим на Загреб, годинава го гледавме рекордни минути и во Лигата на шампионите. Го краси неверојатна техника и одличен преглед на играта, веќе е проценет на околу 7 милиони евра, но „Сините“ веројатно нема да го пуштат за помалку од 12-15 милиони евра.