Балотели заминува од Бреша: Тој со главата повеќе не е со нас

Претседателот на Бреша, Масимо Челино призна дека клубот повеќе не смета на Марио Балотели.

Во Бреша се разочарани од однесувањето на Балотели.

„Тој е навистина чудно момче. Со главата повеќе не е со нас и јас се помирив со неговото заминување. Тоа и не се разликува многу од она што го правеше претходно во кариерата. По малку е анархичен. Неговиот договор се поништува во случај да испаднеме во Серија Б и така најверојатно ќе биде слободен агент кога ќе се види нашата ситуација. Сепак разочарани сме од него. Верувавме дека ќе има допринос на теренот, а тој покажа знаци на непрофесионално однесување како доцнење на тренинзите, недоволно залагање…“, изјави Челино.

Бреша е последен тим на табелата со 16 бодови и има дури девет помалку во однос на екипите кои се надвор од зоната на испаѓање.