Баерн може да го засили нападот со играч на Ајакс

Управата на Баерн Минхен во наредниот период планира да го ангажира напаѓачот на Ајакс, Ентони, пренесува „Билд“.

Јулијан Наглесман и неговите соработници ја разгледуваат опцијата која вклучува доаѓање на талентираниот Ентони (22) кој блеска во Ајакс и се проценува на 35 милиони евра. Веќе некој период се најавува доаѓање на Ентони на голема сцена.

Сепак, многу ќе зависи дали Гнабри ќе потпише нов договор со Баерн. Докмолку тоа не се случи клубот од Минхен ќе се насочи кон младиот Бразилец, договорот на Гнабри истекува 2023 година, но германскиот клуб би сакал да ја заврши работата со него во претстојното лето.

Сезонава Ентони постигна 11 гола и запиша девет асистенции.