Баерн во Мадрид ја пронајде замената за Робен

Баерн Минхен веќе неколку години сака да пронајде замени за Рибери и Робен кои ја играат последната сезона на „Алијанц Арена“.

Иако во клубот веќе го имаат Квинсли Коман, Баварците сметаат дека тоа не е доволно, па следната мета ја пронајдоа во Мадрид.

Познатиот шпански медиум „Дон Балон“ тврди дека Баерн ќе се обиде да го доведе Лукас Васкез, крилниот фудбалер на Реал Мадрид кој оваа сезона нема голема минутажа.

Васкез моментално не е задоволен од својот статус и е спремен да ја промени средината на крајот на сезоната.

Она што им оди во прилог на Баварците е фактот што во тимот веќе имаат тројца Шпанци, па Васкез би можел полесно да се прилагоди на германскиот фудбал.

Шпанецот ова лето се поврзуваше и со трансфер во Арсенал, но медиумите тврдат дека токму Баерн Минхен е во пол позиција за неговиот потпис.