АТП го објави календарот: Австралија Опен ќе се игра три недели подоцна

Светската тениска асоцијација АТП го објави календарот за 2021 година.

Во однос на минатата година има промени во распоредот. Првиот Гренд Слем, Австралија Опен ќе се одржи од 8. до 21. Февруари што е три недели подоцна од вообичаениот термин.

Промена е и што квалификациите ќе се играат на друг континент. Домаќин ќе биде Доха, мечевите ќе се играат од 10. до 13. јануари.

Иако имаше најави, АТП Купот нема да биде отажан, место од 3. до 12. јануари тој ќе се одржи од 1. до 5. Февруари.