Во текот на вчерашниот ден Манчестер Јунајтед го комплетираше трансферот на голманот Андре Онана, а Ерик Тен Хаг и раководството веднаш се насочија кон новата голема мета.
Голема желба за засилување во нападот на Ерик Тен Хаг беше Хари Кејн, но таа опција пропадна поради големите барањата на Даниел Леви. Потоа се споменуваа Коло Муани и Осимен, меѓутоа и тие излегоа како прескапи опции кога Јунајтед се уште го нема решено прашањето со новите газди.
Пред дербито, падна најважниот потпис во Манчестер Сити! ↓↓↓
Поради тоа вниманието клубот од „Олд Трафорд“ го насочи кон Расмус Хојлунд, младиот дански голгетер кој зад себе има одлична сезона во Аталанта. Но, од Јунајтед останале шокирани кога Аталанта поставила цена од 100 милиони евра.
Ваквата порака јавно ја испрати и тренерот на Аталанта Џампјеро Гасперини.
„Хојлунд е одличен напаѓач и нормално дека сакаме да го задржиме. Ако некој сака да го доведе ќе мора да плати околу 100 милиони евра“, изјави Гасперини.
Англиските медиуми пишуваат дека Јунајтед бил спремен да испрати двојно пониска понуда, односно 50 милиони евра, па така јасно е дека почетните точки на двете страни многу се разликуваат, па веројатно нема да има договор.
Учество во игри на среќа е дозволено за лица со 18+ години. Играј одговорно!