Арсенал и Тотенхем се вклучија во битката за Ловрен

Арсенал и Тотенхем како приоритет во летниот преоден рок поставија доведување на врвен дефанзивец, па и двата лондонски клуба се интересираат за дефанзивецот на Ливерпул, Дејан Ловрен.

Ловрен не е прв избор кај Јирген Клоп. Иако има уште една година од договорот, извесно е дека ќе го напушти Енфилд, а би можел да остане во Премиер лигата.

Ловрен уште минатото лето беше на излезна врата, но одлучи да остане во Ливерпул, а покрај споменатите клубови интерес за 30-годишниот Хрват покажуваат и неколку италијански клубови.

Ливерпул нема ништо против да го продаде Ловрен на директен конкурент и веќе ја постави цената, па за неговата слобода ќе бара 18 милиони фунти.