Анчелоти: Имам двајца песимисти во стартниот тим

Карло Анчелоти имаше прес-конференција пред мечот против Атлетико Мадрид во полуфиналето на шпанскиот Суперкуп.

Градските ривали утре ќе го одиграат полуфиналето во шпанскиот Суперкуп, а Анчелоти истакна дека неговите фудбалери се гладни за победа.

„Тимот е гладен за победа. Знаеме дека мора да одиграме сериозен натпревар. Очекувам израмнет меч. Антонио Рудригер е одличен во моментов и се познава неговото искуство. Тој е комплетен дефанзивец, а еден од најголемите квалитети му се тоа што е песимист, па тоа значи дека имам двајца песимисти во почетниот состав“, изјави Анчелоти алудирајќи на Начо.