Алжирските медиуми пренесуваат: Арсенал подготвува понуда за Марез!

Според алжирските медиуми, тимот на Арсенал подготвува нов напад најдобриот фудбалер во Премиер лигата од пред неколку сезони.

Алжирскиот медиум „Lebuteur.com“ пишува дека постојат можности Ријад Марез да го напушти Лестер веќе оваа зима, а следна дестинација би можел да биде Арсенал.

Лондонскиот клуб не криеше дека го сака Марез. „Топџиите“ се обидуваа да го доведат и минатото лето, но управата на „лисиците“ не сакаше да го пушти Алжирецот за помалку од 50 милиони евра.

Истиот извор наведува дека управата на клубот од Лондон веќе подготвува понуда за Алжирецот.

Се шпекулира дека понудата ќе биде поголема од онаа во текот на летото. Исто така се проценува дека оваа приказна својот крај може да го добие пред крајот на преодниот рок.

Марез не е на нивото од минатите сезони, но во последно време успеа да ја подигне формата. Подели шест асистенции, а беше стрелец и на шест погодоци оваа сезона.