Алегри јасен: Ако го направам тоа во овој момент би испаднал кукавица!

Тимот на Јувентус вчера доживеа убедлив пораз од Емполи од 4:1, а овој пораз за „старата дама“ дојде веднаш по новата казна и одземените десет бода на табелата во Серија А.

Навивачите освен што се незадоволни од казната, се незадоволни и од тренерот Масимилијано Алегри. Дел од фановите на клубот од Торино бараа и оставка од италијанскиот стратег, но Алегри не помислува на такво нешто.

„Ако сега си заминам од Јувентус би бил кукавица. Не можам ништо да му замерам на тимот за овој натпревар во ваква ситуација“, изјави Алегри по убедливиот пораз.

Исто така и од раководството на Јувентус потврдија дека во овој момент не размислуваат за смена на Алегри и тој како што стојат работите ќе ја води „старата дама“ во наредната сезона.