Алегри: Ако треба ќе играме со седум дефанзивци

Тренерот на Јувентус, Масимилиано Алегри е разочаран од слабата форма на тимот.

„Бјанконерите“ ги загубија двете последни средби во Серија А, а утре го пречекуваат Зенит во Лигата на шампиони.

„Сите сме лути на резултатите. Во пет дена успеавме да уништиме се што градевме месец и половина. Се вративме на вистинскиот пат, но направивме чекор назад. Тоа треба да не натера да работиме уште посилно“, изјави Алегри.

„Примаме многу голови и тоа од противници кои технички се послаби од нас. Ако треба ќе играме и со седум дефанзивци само да примаме помалку голови“, додаде Алегри.