Тренерот на Интер Антонио Конте според пишувањето на италијанските медиуми е под полициска заштита откако добил коверт во кој имало куршум.
„Кориере дела Сера“ и „Газета дело Спорт“ пишуваат дека Конте добил писмо со закани по неговиот живот во кое било ставен и еден куршум.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Куршумот во плико во Италија е веќе добро познат начин за заплашување, а слични закани претходно добиваа и неколку политичари.
Истрагата е отворена и Конте за секој случај ќе биде под полициска заштита. Имено, полицајци стојат пред неговиот дом и тренинг кампот на Интер.
Италијанската полиција ваквите работи ги сфаќа сериозно и не сакаат ништо да препуштат на случајноста.
Ќе потсетиме, Конте беше мета на навреди и критики од страна на навивачите на неговиот поранешен клуб Јувентус кога се одлучи да го превземе Интер.
Учество во игри на среќа е дозволено за лица со 18+ години. Играј одговорно!