„Ако Алаба каже дека не си оди од Баерн поради пари – лаже!“

После 13 години во Баерн Минхен, Давид Алаба си заминува.

Дефанзивецот подолго време преговараше за нов договор, но на крајот двете страни не пронајдоа заеднички јазика и фудбалерот неодамна и официјално соопшти дека си заминува на крајот од сезоната.

За ситуацијата со Алаба сега се огласи и поранешниот фудбалер на Борусија Дортмунд и Баерн Минхен. Тој порача дека Алаба си оди од Баерн поради пари.

„Си оди заради пари и можам да го разберам. Има 28 години и ќе потпише на 4-5 години. Ако каже дека си заминува поради друго нешто лаже. Плус неколку милиони играат голема улога. Како и да е не може да му замери, сигурно многумина на негово место би постапиле исто. И јас си заминав од Баерн поради пари, сепак преселбата во Италија беше добра и на спортски план“, потенцираше Колер.