Азар оди на операција – сезоната е завршена

Најголемото летно засилување на Реал Мадрид, Еден Азар на мечот против Леванте ја обнови повредата на глуждот.

После направените детални прегледи утврдено е дека Азар ја обновил повредата поради која отсуствуваше 3 месеци и го чека нова долга пауза.

Доброинформираната „Марка“ тврди дека лекарите му препорачале операција како најефективен метод за рехабилитација.

Конечната одлука околу лечењето Азар и Реал ја донесле денес и одлучено е Белгиецот да оди на операција во САД.

Поради тоа тешко дека Азар ќе заигра за Реал до крајот на сезоната, но сигурно ќе настапи на Европското првенство за Белгија.