Агуеро одбил побогата понуда од Јувентус и ја избрал Барселона

Серхио Агуеро потпиша за Барселона, каде пристигна како слободен агент откако му заврши договорот со Манчестер Сити.

Шпанските медиуми сега ги открија финансиските детали од договорот. Агуеро на „Камп Ноу“ ќе заработува 6 милиони евра по сезона во наредните две години.

Медиумите откриваат дека Лапорта му кажал на Агуеро дека клубот е во тешка финансиска состојба и дека ќе мора да прифати помали примања, а Аргентинецот не се двоумел затоа што сакал да игра со Лионел Меси.

Во исто време Агуеро добил многу подобра понуда од Јувентус, но неговиот сон бил да го носи дресот на Барселона.

Само за споредба, Агуеро во Манчестер Сити заработуваше 17 милиони евра по сезона.