Агентот на Габриел Жесус потврди дека го сака Арсенал и уште 6 клуба

Агентот на бразилскиот напаѓач Габриел Жесус, Марсело Петинати потврди дека постои сериозен интерес од страна на Арсенал за неговиот клиент.

После доаѓањето на Халанд во Манчестер Сити јасно е дека за Габриел Жесус повеќе нема место во тимот, а Бразилецот притоа влегува во последната година од договорот.

Арсенал сака да ја искористи таквата ситуација и да го донесе на „Емирати“, но агентот потврди дека има интерес од уште шест други европски клубови.

„Имавме разговори со Арсенал. Ни се допаѓа проектот и можно е да преговараме. Има уште шест клуба кои се заинтересирани за Жесус. Засега тој е фокусиран на последните натпревари од сезоната со Сити“, изјави Петинати.