Агентот на Бејл: Треба да го прашате Мурињо зошто игра малку

Агентот на Герет Бејл, Џонатан Барнет потврди дека Велшанецот е при крајот на својата кариера.

Во моментов 31-годишниот Бејл е на позајмица во Тотенхем, а неговиот договор со Реал Мадрид истекува во 2022 година.

„Герет е при крајот на својата кариера. Треба да го прашате Мурињо зошто игра малку. Герет има освоено трофеи повеќе од било кој британски фудбалер во историјата. Финансиски се обезбеди до крајот на животот“, изјави Барнет.

„Кога играше во Саутемптон избравме да се пресели во Тотенхем, иако имавме други две подобри понуди. Зборував со него и со родителите и ме послушаа. Таму се разви и стигна до Реал Мадрид“.