Јунајтед купува дефанзивец, Тен Хаг достави список со пет имиња

Манчестер Јунајтед ова лето речиси сигурно ќе привлече барем еден централен дефанзивец.

Се очекува Хари Мегваер, Рафаел Варан и Виктор Линделоф да останат на „Олд Трафорд“, но Фил Џонс, Ерик Баи и Аксел Туанзебе ќе си заминат.

„Црвените ѓаволи“ примија дури 57 гола оваа сезона во Премиер лигата, а новиот менаџер Ерик тен Хаг како приоритет ќе има засилување на одбраната.

„Спорт мол“ ги откри петте имиња на списокот на Холанѓанецот за засилување на одбраната.

На списокот се Пау Торес од Виљареал, Уриен Тимбер од Ајакс, Александро Бастони од Интер, Лисандро Мартинез од Ајакс и Кулибали од Наполи.

„Црвените ѓаволи“ ова лето ќе донесат најмалку еден од наведените дефанзивци на „Олд Трафорд“.