Јувентус ја сака ѕвездата на Атлетико Мадрид

Јувентус е силно заинтересиран за играчот на Атлетико Мадрид и аргентински репрезентативец, Рдриго де Паул.

После суспензијата Погба и на Фаџоли, Алегри по секоја цена сака да донесе засилување за средниот ред, а прва желба е аргентинскиот репрезентативец Родриго де Паул.

Де Паул беше светски шампион со Аргентина, но не е среќен во Атлетико и е спремен да ја промени средината.

Атлетико исто така е спремен да слушне понуди, а Јувентус веќе почнал преговори со неговиот агент.

Де Паул блесна во Серија А во дресот на Удинезе и сигурно ќе биде големо засилување за „старата дама“.