Ѕвездата на „Зборнаја“ се договори со Јувентус

Русија вчера ја декласораше Саудиска Арабија со 5:0 на стартот на Мундијалот, а главна ѕвезда кај домаќините беше Александар Головин.

Младиот руски фудбалер и член на ЦСКА Москва го привлече вниманието на многу европски гиганти, но најконкретен од сите е италијанскиот шампион Јувентус.

Јувентус од поодамна покажа интерес за Головин, а „Скај Италија“ пренесува дека веќе имал средба со неговите агенти и ги договориле условите.

„За сега сакам да се фокусирам на СП и Русија, но чест ми е што ме бара Јуве. Сепак, сега сакам да имам што подобро СП“, изјави Головин после натпреварот.

Сега останува уште Јувентус и ЦСКА да ја договорот отштетата, но нема сомнеж дека рускиот клуб ќе ја зголеми цената после одличните партии на Мундијалот.