Ѓоковиќ потврди: Нема да игра на турнирот во Мајами

Најдобриот тенисер во светот Новак Ѓоковиќ нема да настапи на АТП турнирот во Мајами.

Ѓоковиќ минатиот месец го освои Австраија Опен и одлучи да земе подолга пауза.

Српскиот тенисер сега потврди дека нема да игра во Мајами затоа што сака да помине време со своето семејство.

„Оваа година за жал нема да се натпреварувам во Мајами. Времето поминато со семејството никогаш не е доволно, па затоа одлучив во овој период сакам да бидам со најблиските. Ќе се видиме во Мајами следната година“, порача Ѓоковиќ.