Шок за Конте: Интер без најдобриот против Парма и Реал!

Лоши вести за Антонио Конте, но и сите навивачи на Интер.

Ромелу Лукаку во текот на вчерашниот ден направил детален преглед, а магнетата резонанца покажала дека Белгиецот го повредил адукторот на левата нога.

Одличниот напаѓач кој е најдобар играч на „нероаѕурите“ сигурно ќе го пропушти дуелот против Реал.

Тоа за Интер ќе биде и тоа како важен меч за пласманот во нокаут фазата од Лигата на шампионите и неиграњето на Лукаку ќе биде огромен хендикеп.

Од почетокот на сезоната Лукаку постигна седум голови. Белгиецот ќе го пропушти и натпреварот во Серија А против Парма за викендот.