Челзи го „краде“ Де Јонг пред носот на Манчестер Јунајтед

Челзи сериозно се вклучи во трката за играчот од средниот ред на Барселона, Френки де Јонг, пренесуваат англиските медиуми.

Барселона е во финансиски проблеми, па е спремна да го продаде 24-годишниот плејмејкер ова лето доколку пристигне понуда од 80 милиони евра.

Како фаворит за неговиот потпис важеше Манчестер Јунајтед, бидејќи Де Јонг е најголема желба на Тен Хаг. „Црвените ѓаволи“ преговараат веќе подолго време, но никако да најдат заеднички јазик.

Меѓутоа, сега Челзи се вклучи во трката и сака да го „укаре“ играчот пред носот на Јунајтед, па „сините“ веќе спремиле понуда од 80 милиони евра.

Англиските медиуми пренесуваат дека и самиот Де Јонг преферира трансфер во Челзи бидејќи сака да игра во Лигата на шампиони.

🚨 Chelsea are interested in signing Frenkie de Jong from Barcelona and are ready to give everything to sign him.

(Source: @gerardromero)

— Transfer News Live (@DeadlineDayLive) July 7, 2022