Чави за Пике: Не ми беше лесно, но клубот е над се

Тренерот на Барселона, Чави ја коментираше одлуката на Жерар Пике да стави крај на кариерата.

Пике има договор со Барселона до 2024 година, но реши да го раскине и да стави крај на кариерата, а со тоа и да се откаже од голема сума пари.

Пике беше на маргините кај тренерот Чави, а клубот му правеше притисок да се откаже од големата плата.

„Имајќи го предвид околностите, ја разбирам одлуката на Пике. И јас поминав низ тоа и му посакувам се најубаво. Самите фанови на клубот веќе го определија како легенда“.

„Пред почетокот на сезоната имав личен разговор со него. Тоа беше мојот најтежок момент во мојата тренерска кариера. Меѓутоа, двајцата дојдовме до заклучок дека клубот е над се“, истакна Чави.