Црвена Звезда ја напуштија двајца играчи!

Поради пандемијата со коронавирусот Црвена Звезда ги намалува трошоците, нешто што повеќето клубови веќе го направија.

Фудбалерите и раководството на клубот вчера се договорија да ја намалат платата за 50% се додека трае пандемијата, а веќе денеска двајца играчи веќе ги напуштија редовите на српскиот првак.

За Црвена Звезда повеќе нема да играат Раџив ван Ла Пара и бразилецот Жандер. Холанѓанецот беше еден од најплатените играчи на тимот, додека Жандер заработуваше нешто помалку.

Со заминувањето на Ван ла Пара и Жандер ќе се олесни клубската каса, а договорено е да бидат исплатени заклучно со 31. март.

Двајцата фудбалери на стадионот Рајко Митиќ пристигнаа минатото лето, но поради коронавирусот во Звезда не се задржаа ни една година.