УЕФА после три месеци ја казни Англија за нередите на ЕП

Фудбалската асоцијација на Англија е казнета од УЕФА поради нередите што навивачитe ги направија пред финалето на Европското првенство на „Вембли“. 

Во пресрет на финалето на ЕП помеѓу Англија и Италија, околу 5.000 хулигани влегоа на стадионот Вембли без билети, пробивајќи ги безбедносните врати и кордони. Во немирите беа повредени 19 полицајци, додека 39 лица беа приведени.

УЕФА после цели три месеци конечно ја казни Фудбалската федерација на Англија, и тоа со 100.000 евра и еден натпревар на репрезентацијата на оваа земја пред празни трибини.