Трансферот никогаш поблиску: „Топчиите“ пристигнаа во Дортмунд, ГОЛЕМА размена во најава

Јануарскиот трансфер период е бурен период за Арсенал.

Откако е пред конечно завршување на замената помеѓу Арсенал и Манчестер Јунајтед, каде што северно-лондонскиот клуб ќе го испрати Алексис Санчез, а „Црвените ѓаволи“ за возврат ќе го пратат Хенрик Михтаријан, Арсенал се фрли во потрага за напаѓач кој би ја потполнил празнината по заминувањето на Чилеанецот.

Сепак, изгледа дека на потрагата им дојде крајот, бидејќи првата желба на Арсен Венгер, габонскиот напаѓач, Пјер-Емерик Обамејанг е на прагот на потписот за англискиот тим. Делегацијата на Арсенал вчера слетала во Дортмунд за да ги договори сите детали околу претстојниот трансфер со претставниците на Борусија, тврди „Goal“.

Борусија Дормтунд го проценува Обамејанг на 60 милиони евра, а важна улога во траснферот би можел да има и Оливие Жиру, играч кој германскиот тим сака да го види во своите редови.